Мадриднинг “Реал” клуби ярим ҳимоячиси, 21 ёшли Серхио Аррибас фаолиятини Германия Бундеслигасида давом эттириш имкониятига эга. Бу ҳақда инсайдер Экрем Кўнур ижтимоий тармоқлар орқали маълум қилди.
Журналистга малум бўлишича, ярим ҳимоячи хизматларига Дортмунднинг "Боруссия" клуби қизиқмоқда. "Асаларилар" футболчининг трансферини муҳокама қилишга тайёр.
Эслатиб ўтамиз, Аррибас “Реал Мадрид” рекордчиси ҳисобланади. Серхио "қаймоқранглилар"нинг клублар ўртасидаги жаҳон чемпионатида гол урган энг ёш футболчисидир.
Аррибаснинг Мадрид клуби билан шартномаси 2025 йилнинг ўрталарига қадар амал қилади. Унинг трансфер нархи 3,5 миллион евро.