Лондоннинг “Арсенал” клуби спорт директори лавозимини эгаллаб турган футбол функционери Эду Гаспар германиялик вингер Кай Хаверцнинг трансфери ҳақида гапирди.

"Биз Ҳаверцнинг трансферини амалга оширганимиздан хурсандмиз. Клуб бу келишувни амалга ошириш учун катта ишни амалга оширди.

У жамоага кўп қирралилик ва ажойиб ҳужумкорлик фазилатларини олиб келади. Бу янги тизимни мустаҳкамлаш йўлидаги муҳим қадамдир.

Биз у билан иш бошлашни интиқлик билан кутяпмиз", - дея спорт директорининг сўзларини келтиради клуб матбуот хизмати.

Хаверц ўтган мавсумда "Челси"да ўйнаган. "Аристократлар" сафида у 35 та ўйин ўтказиб, 7 та гол урди ва битта голли узатмани амалга оширган.