Бугун Тошкент шаҳридагина эмас балки бутун мамлакатимиздаги футбол ишқибозларининг диққат эътибори ОЧЛ ярим финали дастлабки учрашуви “Бунёдкор” - "Ульсан Хёндэ" учраушвига қаратилади. Юртимиз вакиллари ОЧЛ финалини қўлга киритишга яқин туришибди.

Ҳа бугун юртимиздаги барча футбол ишқибозлари "Бунёдкор" учун ва унинг ғалабаси учун мухлислик қилишади. Зеро уларга нафақат клуб шаънини балки Ўзбекистон шарафини ҳам энди халқаро майдонларда ҳимоя қилиш маъсулияти юкланган.

Насиб қилса, бугун "қалдирғочлар"имиз ОЧЛ финалини юртимизга олиб келиш учун катта қадамини ташлайди, деб умид қиламиз.

Ёдингизда бор, ўтган йили "Насаф" клуби ОФК Кубоги финалини юртимизга олиб келиб, бу учрашувда зафар қучган эди, эсимизда бор, мамлакатимизнинг барча футбол ишқибозлари клубимизга самимий мухлислик қилишган эдилар. Бизни бу ҳолат жуда-жуда хурсанд қилган эди. Энди ана шу мухлислик "Бунёдкор"га қаратилади. Кўпчиликнинг ҳоҳиш-истаги ва дуоси насиб қилса албатта ижобий бўлади.

Яна бир қизиқ ҳолатни кузатамиз, агар "Бунёдкор" мана шу катта муваффақиятга эришса, юртимизда кетма-кет Осиёнинг футбол бўйича энг нуфузли мусобақасини яна бир финалини ўтказишга муваффақ бўламиз. Бу дегани мамлакатимизда футболга бўлаётган эътибор амалда ҳам исбот бўлаётганини билдиради. Биз мухлислар буни жудаям ҳоҳлаймиз.

Яна бир қувончли ҳолатга гувоҳ бўлишимиз мумкин, яъни "Насаф"нинг собиқ аъзолари бўлмиш Лутфулла Тўраев, Артём Филипосян ва Илҳом Шомуродовлар кетма-кет ОФК Кубоги ва ОЧЛ финалчиларига айланишлари мумкин. Бу жуда катта бахт, бунақа муваффақиятлар ҳар қандай футболчига ҳам насиб қилавермайди. Биз истардикки, мана шунақа бахтни қўлга киритиш учун ушбу ўйинчилар ҳам бор кучларини кўрсатишади ва бу бахт уларга насиб этади!