"Барселона" ҳужумчиси Усмон Дембеле ёзда жамоани тарк этмайди, дея хабар беради журналист Фернандо Поло.
Манба берган хабарга кўра, бугун, 29 июнь куни футболчининг агенти Каталония клубининг бўлажак спорт директори Деко билан учрашув ўтказган. Ҳужумчининг вакили раҳбариятга Дембеле ҳар қандай ҳолатда ҳам “Барселона”да ўйнашни давом эттиришга тайёрлигини айтди.
26 ёшли франциялик футболчи 2017 йилдан буён “Барселона” сафида тўп тепмоқда. 2022/23 йилги мавсумда у каталонияликлар сафида барча турнирларда 35 та ўйинда майдонга тушиб, 8 та гол урди ва 9 та голли узатмани амалга оширди.
