"Barselona" hujumchisi Usmon Dembele yozda jamoani tark etmaydi, deya xabar beradi jurnalist Fernando Polo.
Manba bergan xabarga ko‘ra, bugun, 29 iyun kuni futbolchining agenti Kataloniya klubining bo‘lajak sport direktori Deko bilan uchrashuv o‘tkazgan. Hujumchining vakili rahbariyatga Dembele har qanday holatda ham “Barselona”da o‘ynashni davom ettirishga tayyorligini aytdi.
26 yoshli fransiyalik futbolchi 2017 yildan buyon “Barselona” safida to‘p tepmoqda. 2022/23 yilgi mavsumda u kataloniyaliklar safida barcha turnirlarda 35 ta o‘yinda maydonga tushib, 8 ta gol urdi va 9 ta golli uzatmani amalga oshirdi.
