Англиялик ярим ҳимоячи Рубен Лофтус-Чик “Милан” билан шартнома имзолади. Бу ҳақда Италия клуби расмий сайти хабар берди.
Футболчи клуб билан 2027 йилнинг 30 июнига қадар шартнома имзолаган. Аввалроқ футболчи "Челси"да ўйнаган.
Англия Премьер-лигасининг 2022/2023 йилги мавсумида Лофтус-Чик 25 та ўйин ўтказиб, битта голли узатмани амалга оширган. "Челси" мавсумни 38 турдан кейин 44 очко билан АПЛ турнир жадвалида 12-ўринда якунлади. Рубеннинг "кўклар" билан шартномаси кейинги йилнинг июнь ойида ниҳоясига етди. Transfermarkt интернет порталига кўра, футболчининг тахминий нархи 25 миллион еврони ташкил қилади.
“Милан” Италия А сериясида тўртинчи ўринни эгаллади. “Россонерилар” 38-турдан сўнг 70 очко тўплади.