"Фенербахче" ярим ҳимоячиси Арда Гюлер фаолиятини "Реал Мадрид"да давом эттиришга умид қилмоқда.
Айнан “Барселона” ва “Реал Мадрид” клублари 18 ёшли футболчига асосий даъвогар сифатида кўрилмоқда, у аллақачон Туркия терма жамоасида ўйнайди ва ўз ёш тоифасида Европанинг энг умидли футболчиларидан бири саналади.
Журналист Якуп Чинарнинг ёзишича, Гюлер яқинда "Барселона" аъзоси Деку билан учрашган, бироқ у "Реал Мадрид"да ўйнашни орзу қилгани учун "кўк-анорранглилар" сафига қўшилиш истиқболига иштиёқ билдирмаган. Мадридликлар ҳам товон пули 17,5 миллион еврога баҳоланган ҳужумкор ярим ҳимоячини сотиб олиш устида ишламоқда.
