"Бунёдкор"га қарши ўйинда катта куч сарфлаган "Навбаҳор" бугун "Локомотив"га қаршилик қила олмади. Тошкентликларнинг биринчи бўлимнинг ўзидаёқ ўйин тақдирини ҳал қилиб қўйишди. Казанков, Фоменко ва Оганесян томонидан киритилган 3та тўпга наманганликлар бир марта ҳам жавоб бера олишмади. Дарвоқе, Артурас Фоменко биринчи даврада "Навбаҳор" шарафини ҳимоя қилгани эътиборга молик.
Дарвоқе, ушбу ўйин аввал белгиланганидан 2 кун олдин ўтказилгани етмаганидек, у "Пахтакор" стадионида ўтказилди. Стадионни ўзгартириш ҳақидаги қарорга бугун келинди.
Ушбу ғалабадан кейин "Локомотив" очколарини сонини 43тага етказди ва энди 3-ўринда бораётган "Насаф"дан 2 очко ортда қолмоқда. Қаршиликлар ушбу турда "Нефтчи" меҳмони бўлишини инобатга олсак, Усмон Тошев Фарғонада очко йўқотса, "Локомотив"да бронза медали учун учун яхши имконият ҳосил бўлади. 17 ноябрь куни бўлиб ўтадиган 25-тур ўйинида ушбу жамоалар Қарши шаҳрида ўзаро тўқнаш келадилар. Ўтган ҳафтада "Олтин учрашув" гувоҳига айланган қаршиликлар, ноябрь ойининг иккинчи ярмида "Бронза учрашув"ни ҳам кузатишлари мумкин!
Олий лига. 24-тур.
"Локомотив" - "Навбаҳор" - 3:0 (3:0)
Голлар: М.Казанков (17), А.Фоменко (37), Ж.Оганесян (42)
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Пахтакор | 23 | 15 | 5 | 3 | 42-15 | 50 |
| 2 | Бунёдкор | 23 | 14 | 6 | 3 | 36-16 | 48 |
| 3 | Насаф | 23 | 13 | 6 | 4 | 35-17 | 45 |
| 4 | Локомотив | 24 | 12 | 7 | 5 | 37-21 | 43 |
| 5 | Шўртан | 23 | 12 | 3 | 8 | 36-27 | 39 |
| 6 | Нефтчи | 23 | 9 | 6 | 8 | 32-25 | 33 |
| 7 | Бухоро | 23 | 9 | 4 | 10 | 21-26 | 31 |
| 8 | Олмалиқ | 23 | 8 | 4 | 11 | 33-38 | 28 |
| 9 | Динамо | 23 | 8 | 2 | 13 | 24-25 | 26 |
| 10 | Қизилқум | 23 | 6 | 7 | 10 | 21-37 | 25 |
| 11 | Металлург | 23 | 7 | 3 | 13 | 27-42 | 24 |
| 12 | Навбаҳор | 24 | 6 | 6 | 12 | 17-32 | 24 |
| 13 | Машъал | 23 | 6 | 4 | 13 | 18-38 | 22 |
| 14 | Андижон | 23 | 4 | 3 | 16 | 24-44 | 15 |
