"Манчестер Юнайтед"нинг собиқ ярим ҳимоячиси Том Клеверли фаолиятини якунлаганини маълум қилди.
33 ёшли англиялик жароҳатлар ортиб бораётгани сабабли шундай қарорга келган. Шу билан бирга, футболчи мураббий бўлиб, 2017 йилнинг июлидан 2023 йилнинг июнигача ўйнаган "Уотфорд"да қолмоқчи.
Клеверли "Манчестер Юнайтед" ва "Уотфорд"дан ташқари "Лестер", "Уиган", "Эвертон" ва "Астон Вилла" клубларида тўп тепган. У Англия терма жамоаси сафида ҳам 13 та ўйин ўтказган.