"ПСЖ" "Бавария"дан франциялик ҳимоячи Люка Эрнандес билан шартнома имзолади, деб хабар беради L'Equipe.
Манбага кўра, парижликлар 27 ёшли футболчи учун тахминан 48-50 миллион евро тўлаган.
Эрнандес мюнхенликлар сафида 2019 йилнинг июлидан бери ўйнаб келмоқда. 2022/23 йилги мавсумда у жамоа сафида 11 та ўйинда майдонга тушиб, 1 та гол урди ва 1 та голли узатмани амалга оширди. Шартнома 2024 йилнинг ёзига қадар мўлжалланган. Transfermarkt портали футболчининг нархини 45 миллион еврога баҳоламоқда.