Жорий йилнинг 15 июнидан бошлаб Таиландда U-17 Осиё кубоги бўлиб ўтаётгани ва унда 3 нафар ўзбекистонлик вакил иштирок этаётгани ҳақида аввалроқ хабар берган эдик.
Бугун, 29 июнь куни Таиланднинг Патҳум Тҳани шаҳридаги марказий стадионда ўтказилиши режалаштирилган Осиё кубоги финалида инспекторимиз иштирок этади. Унга кўра, Владислав Цейтлин Шарқнинг энг кучли терма жамоасини аниқлаб берувчи Жанубий Корея ҳамда Япония ёшлари ўртасидаги баҳсга назоратчилик қилиш учун тайинлов олган.
Маълумот учун, бунгача Цейтлин мусобақанинг гуруҳ босқичида бир қанча баҳсларда, шунингдек, чорак ҳамда ярим финал баҳсларида ҳам назоратчилик қилган эди.
