Аргентиналик ҳужумчи Лионель Месси Каталониянинг “Барселона” клубидаги собиқ жамоадоши Сеск Фабрегаснинг футболни тарк этгани ҳақида фикр билдирди.
"Сеск, сиз менинг энг яхши дўстларимдан бирисиз. Биз, албатта, бирга вақт ўтказишда давом этамиз. Ҳамма сизни жуда яхши кўради ва янги босқичингизда сизга энг яхши тилакларни тилайди, дўстим. Мен сизни қучоқлаб қоламан”, деди 35 ёшли ҳужумчи ижтимоий тармоқдаги постида.
Эслатиб ўтамиз, Месси ва Фабрегас 2011 йилдан 2014 йилгача Каталония гранди сафида бирга ўйнашган. Сескнинг сўнгги клуби Италиянинг “Комо” клуби бўлган. У Испания терма жамоаси сафида 110 та ўйинда майдонга тушиб, 15 та гол урган.