"Рома" "Манчестер Юнайтед" ҳужумчиси Мэйсон Гринвудга қизиқиш билдирмоқда.
Манбанинг хабар беришича, римликлар бош мураббийи Жозе Моуриньо 21 ёшли инглиз футболчисининг отаси билан боғланиб, эҳтимолий трансфер масаласини муҳокама қилган. "Рома" Гринвудни ижарага олиши мумкин.
Гринвуд охирги марта 2022 йил бошида майдонга тушган - январь ойида у қиз дўстига нисбатан зўрлаш ва зўравонлик айбловлари билан ҳибсга олинган. 2023 йилнинг 2 февралида Манчестер полицияси футболчини айблаш бўйича ишни ёпгани маълум бўлди, бироқ у “Манчестер Юнайтед”га қайтмади, чунки клуб вазият бўйича ички текширув ўтказди.
Ҳужумчининг "Манчестер Юнайтед" билан шартномаси 2025 йилгача мўлжалланган.
