“Галатасарой” ярим ҳимоячиси Хуан Мата жамоани тарк этди, дея хабар беради турк клуби матбуот хизмати.
35 ёшли испанияликнинг шартномаси 2022/23 йилги мавсум охирида якунига етади. У 2022 йилнинг сентябридан бери "Галатасарой"да ўйнамоқда.
Мата Туркия жамоаси сафида 18 та ўйин ўтказиб, 3 та гол урди ва 2 та голли узатмани амалга оширди. Ярим ҳимоячи бунгача “Валенсия”, “Челси” ва “Манчестер Юнайтед” клубларида тўп тепган.