"Вальядолид" ҳимоячиси Иван Фреснеда ёзги трансфер ойнасида клубини ўзгартириши мумкин. Mundo Deportivo хабарига кўра, 18 ёшли испаниялик футболчига "Милан" қизиқиш билдирмоқда.
"Россонерилар" футболчининг вакиллари билан дастлабки суҳбатни ўтказди. Қайд этилишича, Италия клуби Фреснедани жамоани тарк этиши мумкин бўлган Пьер Калулуга ўринбосар сифатида кўрмоқда.
Аввалроқ ОАВда "Барселона" Фреснедани ўз сафига қўшиб олмоқчилиги, ҳимоячининг ўзи эса Каталония клубига интилаётгани ҳақида хабарлар тарқалган эди.
Трансфер суммаси 20 миллион еврони ташкил қилиши мумкин.