Таниқли инсайдер Фабрицио Романонинг хабар беришича, "Манчестер Сити" ҳимоячи Йошко Гвардиол билан Англияга йўл олиш борасида деярли келишиб олган.
Бу маълумотни "РБ Лейпциг" клуби матбуот хизмати ҳам тасдиқлади. “Тасдиқлашимиз мумкинки, Йошко Гвардиол ва унинг агентлари футболчининг “Манчестер Сити”га ўтиш истаги ҳақида бизга хабар беришди”, деди немис клуби спорт директори Макс Эберль.
21 ёшли хорватиялик футболчи 75 миллион еврога баҳоланган ва ўтган мавсумда “РБ Лейпциг” сафида 41 ўйинда майдонга тушди (3 гол). Унинг Бундеслига вакиллари билан шартномаси 2027 йилгача мўлжалланган.
