Таниқли испаниялик ярим ҳимоячи Санти Касорла “Ас-Садд”ни тарк этди, бу ҳақда Қатар клуби ижтимоий тармоқларида хабар берилди. 38 ёшли футболчи футболчилик фаолиятини якунламоқчи.
Касорла “Ас-Садд” сафида уч мавсум ўтказди. Жамоа билан биргаликда испаниялик ярим ҳимоячи мамлакат чемпиони ва кубок соҳибига айланди. Бундан ташқари, Санти мавсумнинг энг яхши футболчиси сифатида эътироф этилди.
Европада Касорла "Вильярреал", "Малага" ва Лондоннинг "Арсенал" клубларида ўйнагани билан танилган. Испания терма жамоаси таркибида ярим ҳимоячи 81 та ўйин ўтказиб, 15 та гол урган.