Донецкнинг “Шахтёр” клубини 39 ёшли дарвозабони Андрей Пятов фаолиятини якунлади. Бу ҳақда клуб бош директори лавозимини эгаллаб турган Сергей Палкин клуб матбуот хизматига берган интервьюсида айтиб ўтди.
Аммо украиналик машҳур дарвозабон хайрлашув ўйини доирасида ҳали ҳам ўз клубида ўйнаши мумкин, катта эҳтимол билан у 6 август куни "Тоттенхэм"га қарши бўлиб ўтади. Қайд этилишича, Пятовга клубда мураббийлик - дарвозабонлар мураббийи лавозимини таклиф қилишган.
"Биз у билан футболчи сифатида хайрлашамиз, лекин биз уни мураббийлар штабимизда кўришни истаймиз", - дейди Палкин.
Кировоградлик Андрий Пятов 2007 йилда "Ворскла"дан кўчиб ўтганидан кейин 16 йил давомида "Шахтёр"да ўйнади. Шунингдек, 2007 йилдан 2022 йилгача Украина терма жамоасида ўйнаган.
