Ҳужумчи Роберто Фирмино тез орада Саудия Арабистонига кўчиб ўтади.
Бразилиялик футболчи "Ливерпуль" билан шартномаси якунлангач, клубсиз қолди. Аввал хабар қилинганидек, “Ал-Аҳли” 31 ёшли футболчи билан шартнома имзолашга яқин турибди ва ҳозирда келишув якунига етди.
Фабрицио Романонинг сўзларига кўра, Фирмино Саудия клуби учун тиббий кўрикдан ўтган. Томонлар фақат барча ҳужжатларни тўлдиришлари ва ҳамкорликни расман эълон қилишлари керак, бу тез орада амалга ошиши керак.
Роберто Фирмино "Ливерпул"да 8 йил ўйнаб, "қизиллар" сафида 362 ўйинда 111 гол ва 79 голга ассистентлик қилган.
