Миланнинг "Интер" клуби "Манчестер Юнайтед" билан Андре Онана трансфери бўйича музокараларни кечиктирмоқчи эмас.
“Қизил иблислар”нинг биринчи таклифи – 40 миллион евро ва 5 миллион бонуслар “нерадзуррилар” раҳбарияти томонидан рад этилди. А Серия гранди 27 ёшли камерунлик футболчини сотишдан анча катта сумма йиғишга умид қилмоқда. Бундан ташқари, журналист Альфредо Педулланинг хабарига кўра, "Интер" келишув учун 20 июлгача муддат белгилаган. Бу "Манчестер Юнайтед" дарвозабон билан шартнома имзолашига икки ҳафтадан кўпроқ вақт қолди.
Олдинроқ "Интер" Андре Онанани 60 миллион еврога баҳолагани хабар қилинганди.
