Milanning "Inter" klubi "Manchester Yunayted" bilan Andre Onana transferi bo‘yicha muzokaralarni kechiktirmoqchi emas.
“Qizil iblislar”ning birinchi taklifi – 40 million yevro va 5 million bonuslar “neradzurrilar” rahbariyati tomonidan rad etildi. A Seriya grandi 27 yoshli kamerunlik futbolchini sotishdan ancha katta summa yig‘ishga umid qilmoqda. Bundan tashqari, jurnalist Alfredo Pedullaning xabariga ko‘ra, "Inter" kelishuv uchun 20 iyulgacha muddat belgilagan. Bu "Manchester Yunayted" darvozabon bilan shartnoma imzolashiga ikki haftadan ko‘proq vaqt qoldi.
Oldinroq "Inter" Andre Onanani 60 million yevroga baholagani xabar qilingandi.