"Манчестер Сити" марказий ҳимоячиси Эмерик Лапорт жорий трансфер ойнасида клубини ўзгартирмоқчи.
"Шаҳарликлар" испаниялик футболчини сотишга тайёр, чунки у энди Хосеп Гвардиола жамоасининг асосий таркибига кирмайди. 29 ёшли марказий ҳимоячига Италиянинг “Интер” ва “Ювентус”, шунингдек, Лондоннинг “Арсенал” клублари қизиқиш билдирмоқда, дея хабар беради City Zone. Потенциал харидорлар учун муаммо “Манчестер Сити” ушбу сотишдан 2018 йилда Лапорт учун тўланган пул миқдори – 60 миллион евродан кўпроқ даромад олишни кутаётганида бўлиши мумкин.
Лапортнинг амалдаги меҳнат шартномаси муддати 2025 йилда тугайди.
