"Manchester Siti" markaziy himoyachisi Emerik Laport joriy transfer oynasida klubini o‘zgartirmoqchi.
"Shaharliklar" ispaniyalik futbolchini sotishga tayyor, chunki u endi Xosep Gvardiola jamoasining asosiy tarkibiga kirmaydi. 29 yoshli markaziy himoyachiga Italiyaning “Inter” va “Yuventus”, shuningdek, Londonning “Arsenal” klublari qiziqish bildirmoqda, deya xabar beradi City Zone. Potensial xaridorlar uchun muammo “Manchester Siti” ushbu sotishdan 2018 yilda Laport uchun to‘langan pul miqdori – 60 million yevrodan ko‘proq daromad olishni kutayotganida bo‘lishi mumkin.
Laportning amaldagi mehnat shartnomasi muddati 2025 yilda tugaydi.