"Сассуоло" ярим ҳимоячиси Давиде Фраттезининг агенти "Интер" билан келишувга эришиш учун бир нечта тафсилотлар қолганини тасдиқлади.
Football Italia хабарига кўра, "нерадзуррилар" бир неча ҳафта олдин шахсий шартлар бўйича келишувга эришган. Марсело Брозовичнинг "Ан-Наср"га сотилиши ушбу ўтишни муваффақиятли амалга ошириш учун ресурсларни бўшатди.
Келишув 25 миллион еврога сотиб олиш мажбурияти билан ижара шаклида бўлади.
“Биз келишувга жуда яқинмиз. Давиде буни жуда хоҳларди, биз хурсандмиз”, деди футболчининг агенти Беппе Рисо.
Агент, шунингдек, Фраттези бошиданоқ "Интер"га ўтишни хоҳлаганини таъкидлади.
