"Бавария"нинг ўнг қанот ҳимоячиси Нуссаир Мазрауига ҳалигача кетишга рухсат этилмаган.
Марокашлик футболчи мюнхенликлар жамоасидаги асосий таркибда ўрни йўқлигидан қониқмагани учун клубини ўзгартириш ҳақида жиддий ўйламоқда. Sport Bild хабарига кўра, "Бавария" Мазрауининг кетишига "Манчестер Сити"дан Кайл Уокерни сотиб олиш борасида келишиб олинмагунча рози бўлмайди. Англиялик футболчи немис гранди учун трансфер мақсади бўлиб қолмоқда ва Томас Тухель 33 ёшли футболчи билан доимий алоқада.
Нуссаир Мазрауи "Аякс"дан кўчиб ўтгандан сўнг "Бавария" учун дебют мавсумида 26 ўйинда майдонга тушди. 25 ёшли футболчи битта гол урган ва 4 та голли узатмани амалга оширган.
