"Манчестер Сити" жорий трансфер ойнасида ярим ҳимоячи Бернарду Силвани сотишга тайёр. Бу ҳақда инсайдер Экрем Кўнур ижтимоий тармоқлари орқали маълум қилди.
Журналистнинг хабар беришича, инглиз гиганти юлдуз португалияликни 85 миллион фунтга баҳоламоқда, бу тахминан 99 миллион евро. Футболчига асосий даъвогар Франциянинг “ПСЖ” клуби ҳисобланади. Бернардуда фаолиятини Саудия Арабистони чемпионатида давом эттириш имконияти ҳам бор. Футболчининг ўзи Парижга кўчиб ўтишни афзал кўрмоқда.
Силва ўтган мавсумда 54 ўйинда 7 та гол урди ва 6 та голли узатмани амалга оширди. Унинг "Сити" билан шартномаси 2025 йилнинг ўрталарига қадар мўлжалланган.
