"Челси" "Брайтон" ярим ҳимоячиси Мойсес Кайседо учун таклиф билан чиқди. Журналист Диего Аркоснинг сўзларига кўра, “кўклар” “чайқалар”га бонуслар билан бирга тахминан 100 миллион евро таклиф қилган.
Манбага кўра, айни дамда клублар ўзаро тўлов шартлари ва келишувнинг батафсил тузилишини келишиб олишмоқда. Мойсеснинг ўзи "Челси" билан шахсий шартлар бўйича келишиб олган.
Эслатиб ўтамиз, Кайседо "Челси" учун таянч ярим ҳимоячи позициясини мустаҳкамлаш учун устувор номзод ҳисобланади. Айни дамда “кўклар” эквадорлик ярим ҳимоячи учун курашда пешқадамлик қилмоқда.
