Туриннинг “Ювентус” клуби марказий ҳимоячиси Глейсон Бремер кейинги мавсумда ҳам жамоасида қолиши мумкин.
Журналист Карло Лаудиснинг сўзларига кўра, "кекса синёра" бразилиялик билан хайрлашмоқчи эмас. Қолаверса, футболчининг ўзи ҳам кетишни истамаяпти.
Эслатиб ўтамиз, Бремер ўтган ёзда "Торино"дан "Ювентус"га ўтиб, Маттейс де Лигтга ўринбосар бўлиши кутилган эди.
Аввалроқ Глейсон шу ёзда “кекса синёра”ни тарк этиши ҳақида хабарлар тарқалган эди, бироқ раҳбарият футболчининг ўйинидан мамнун ва уни сотмоқчи эмас.
Бремер ўтган мавсум А Серияда тўртта гол урди.
