"Манчестер Сити" дарвозабони Эдерсон Мораес Чемпионлар лигасидаги ғалабадан сўнг ўз ҳис-туйғулари ҳақида гапирди.
Эслатиб ўтамиз, финалда “шаҳарликлар” иккинчи бўлимда Родрининг голи эвазига “Интер”ни 1:0 ҳисобида мағлуб этганди.
"Чемпионлар лигаси финалидан сўнг хурсандчиликдан йиғладим. Бу футболчилар учун қанчалик муҳимлигини тушундим, чунки биз Чемпионлар лигасида ғалаба қозониш учун кўп марта уринганмиз.
Бу мавсумда мен телефонимга бу ҳақида эслатма қўйдим, лекин барибир треблни кутмагандим", - деди Эдерсон.
Эдерсон 2017 йилдан бери "Манчестер Сити" сафида тўп тепади ва шундан сўнг икки марта Чемпионлар лигаси финалига чиқди.
