"Барселона"нинг янги ҳимоячиси Иньиго Мартинес клубга қўшилганидан кейин ўз ҳис-туйғулари билан ўртоқлашди.
Эслатиб ўтамиз, аввалроқ Каталония жамоаси эркин агент бўлган 32 ёшли испаниялик билан шартнома тузилганини расман эълон қилган эди.
"Барселона"га ўтганимдан хурсандман. Ниҳоят мен янги даражага чиқишга муваффақ бўлдим. Мен бу клубга боримни беришга тайёрман", - деди Мартинес "кўк-анорранглилар" матбуот хизматига.
Футболчи "Барселона" билан барча мумкин бўлган совринларни қўлга киритишни хоҳлашини тан олди, аммо бу унчалик осон бўлмаслигини тушунади.
Эслатиб ўтамиз, Испания чемпионатининг сўнгги мавсумида Хави Эрнандес шогирдлари мамлакат чемпионига айланишганди.
