"ПСЖ" Луис Энрике жамоага бош мураббий этиб тайинланганини эълон қилди. 53 ёшли мутахассис икки мавсумга мўлжалланган шартномага имзо чекди.
Луис Энрике "ПСЖ" бошқарувчиси сифатида Кристоф Галтье ўрнини эгаллади. Ушбу мутахассис қўл остида 2022/2023 йилги мавсумда парижликлар Франция чемпионлиги, ундан олдин эса Суперкубокни қўлга киритганди.
Луис Энрике ўтган йил охиридан бери ишсиз эди. Ушбу мутахассис терма жамоасининг ЖЧ-2022даги муваффақиятсиз ўйинларидан сўнг Испания терма жамоасини тарк этди.
Ўшанда "қизил фурия" 1/8 финал натижаларига кўра, Марокашга пенальтилар сериясида ютқазган.
