Кеча Биринчи лига иккинчи босқичининг 15-тур ўйинлари бўлиб ўтди. Аммо "Бухоро-2" ва "Чуст-Пахтакор" ўртасидаги ўйин натижаси ЎзПФЛ расмий сайтида чиқмади.
Суриштириш ишлари олиб борганимиздан кейин шу нарса маълум бўлдики, "Чуст-Пахтакор" клуби Бухорога тўлиқ таркиб билан етиб келмаган. Жамоанинг атиги 6 нафар футболчиси стадионга келишганди. Стадионга келган жамоа вакилларининг айтишича, қолган футболчиларнинг машинаси бузилиб қолган ва ўйинга етиб кела олишмаган. Ҳакамлар ва мезбон жамоа вакилларни уларни 1 тайм кутишган, аммо улар етиб келишмаган.
Комиссар эса ўйинни 6 киши бошлашга рухсат бермаган. Регламентга кўра, ўйинни бошлаш учун жамоа сафида камида 8 нафар бўлиши шарт.
Ушбу ҳолат юзасидан ЎФФ Тартиб-интизом қўмитаси қарор чиқаради. Бундай ҳолатда меҳмон жамоага техник мағлубият ва жарима чораси кўрилади.














