"Урава Ред Даймондс" шарафини ҳимоя қилаётган япониялик дарвозабон Жион Сузукига "Манчестер Юнайтед" қизиқиш билдирмоқда.
Sponichi хабарига кўра, манкунианликлар раҳбарияти 20 ёшли футболчи учун 5,85 миллион евро тўлашга тайёр. Агар трансфер амалга ошса, бу келишув Япония чемпионати тарихидаги энг қиммати бўлади.
Олдинроқ "қизил иблислар" Андре Онанани "Интер"дан ўз сафига қўшиб олмоқчи экани, бироқ африкалик футболчининг трансфери бўйича музокаралар чўзилиб кетаётгани хабар қилинганди.
Ушбу ёзда "Манчестер Юнайтед"ни Давид де Хеа тарк этди. Испаниялик футболчининг клуб билан шартномаси ниҳоясига етди.