Мадриднинг “Реал” клуби “ПСЖ”дан Килиан Мбаппе трансфери бўйича йирик таклиф билан чиқишга тайёр.
Журналист Хосеп Педрерол El Chiringuito телеканалига берган интервьюсида "Реал Мадрид" ҳужумчи учун 200 миллион евро беришга тайёрлигини айтди.
"Реал Мадрид" президенти Флорентино Перес ва Мбаппе 2024 йилнинг ёзида бепул трансфер бўйича келишувга эришган эди. Бироқ Килианнинг Париж клубига йўллаган мактуби ва француз клубининг сигналлари ҳужумчининг трансфери бўйича музокаралар ёзда ҳам қизғинлашганига сабаб бўлди.
"Мен фақат "Реал"нинг режасини очиб бера оламан. Улар Килиан Мбаппе "ПСЖ"га шартномани узайтирмаслигини яна айтгунча кутишади. Улар "ПСЖ" билан музокара олиб боришмайди. Мбаппенинг онаси шартнома узайтирилмаслигини тасдиқлагач, "Реал Мадрид" "нажоткор" ролини ўз зиммасига олади.
Айни пайтда 200 миллион евро тайёр”, - деди Педрерол.
AS газетаси, 200 миллион евро бошланғич нарх эканлигини ёзмоқда. Қайд этилишича, Мбаппе фақат "Реал"га ўтмоқчи ва бу мадридликларга музокараларда ёрдам бериши мумкин. Трансфер ойнаси ёпилиши билан парижликларнинг молиявий талаблари камайиши мумкин.