"Брайтон" ярим ҳимоячиси Мойзес Кайседонинг нархини оширди.
The Telegraph нашрининг маълумотларига кўра, "чайкалар" эквадорлик футболчи учун 100 миллион фунт стерлинг (тахминан 118 миллион евро) сўрашади.
Манбанинг таъкидлашича, бу қарор Деклан Райснинг "Вест Хэм"дан "Арсенал"га ўтиши фонида қабул қилинган, бу эса "канонирлар"га бонуслар олдидан роппа-роса 118 миллион еврога тушиши мумкин.
"Брайтон" раҳбариятининг фикрича, 21 ёшли Кайседо ўзидан 3 ёш катта бўлган Райсдан ҳеч қандай кам эмас.
Мойзесга асосий даъвогар Лондоннинг “Челси” клуби ҳисобланади. "Кўклар"нинг спорт директорларидан бири Пол Уинстанли "Брайтон"да ишлаган, шунинг учун у шартномани ёпиш учун эски алоқалардан фойдаланишга умид қилмоқда.
