"Манчестер Юнайтед" бирданига учта футболчисини сотувга қўяди. Хабарларга кўра, манкунианликлар Харри Магуайр, Фред ва Антони Эланга сотувидан жами 100 миллион фунт ишлаб олмоқчи.
Шу мақсадда улар учун талабгорлар таклифини кутяпти. Қайд этилишча, Фред ва Эланганинг ҳар бири ўртача 30 миллиондан баҳоланмоқда. Магуайр эса 40 миллионга сотилиши керак.
Айтиш керакки, Магуайр 2019 йилда бу суммадан икки баробар қимматга, "Лестер"дан олиб келинган. Эрик тен Хагга катта трансферлар учун пул керак. Раҳбариятнинг эса маблағ ажратиши амри маҳол.
