Мадриднинг “Реал” клуби “ПСЖ”дан Килиан Мбаппенинг трансфери устида қизғин ишламоқда.
Журналист Рамон Алварес де Монтнинг хабар беришича, Флорентино Перес ва "ПСЖ" ҳужумчиси биргаликдаги стратегия ишлаб чиқишган, бу эса футболчининг 2023 йилнинг ёзида "Реал"га ўтишига имкон беради. Шу боис, шу кунгача бу борада содир бўлган ҳеч нарса Мадридни ҳайратда қолдирмади.
"Реал Мадрид"да ва шахсан Пересда Мбаппенинг ёзги трансфери ҳақида оптимизм кучаймоқда.
Килиан "Реал"га ўтишни жуда хоҳлайди. У ҳозирги таркибга тўлиқ мос тушишига ишонмоқда. Футболчи ўтган ёзда "ПСЖ" билан шартномани узайтириб, хатога йўл қўйганини тан олди.
Мбаппе "ПСЖ"дан содиқлик бонусининг фақат бир қисмини олишга тайёр, у бутун суммани тўлашни талаб қилмайди.
"ПСЖ" ҳужумчи трансфери учун Мадриддан оладиган сумманинг бир қисмидан бонуснинг бир маълум улушини тўлаш имкониятини кўриб чиқмоқда.
Аввалроқ, франциялик футболчи июль ойи охирида "ПСЖ" билан шартномани узайтирса, 40 миллион евро олиши хабар қилинганди. Бу содиқлик бонусининг биринчи қисми бўлади.
