"Челси" ярим ҳимоячиси Ҳаким Зиеш "Спартак"га ўтиши мумкин эди.
Metaratings нашри хабарига кўра, марокашлик футболчининг вакиллари ўз мижозининг хизматларини Москва клубига таклиф қилишган ва унинг учун ҳар хил бонусларни ҳисобга олмаганда, мавсум учун 5 миллион евро маош сўраган. Бироқ бундай шартлар "Спартак"га тўғри келмади, шу боис "қизил-оқлар" футболчи билан шартнома имзолашдан бош тортди. Шунингдек, “Спартак” раҳбарияти Зиешнинг тиззасидаги муаммоларга ҳам эътибор қаратди.
Эслатиб ўтамиз, Зиеш 2020 йилнинг ёзида "Аякс"дан "Челси"га ўтган эди. 30 ёшли футболчининг Лондон клуби билан амалдаги шартномаси 2025 йилнинг ёзига қадар мўлжалланган. Transfermarkt портали Марокаш терма жамоаси футболчисини 16 миллион еврога баҳоламоқда.
Ўтган мавсумда Зиеш “Челси” сафида 24 та ўйинда майдонга тушиб, 3 та голли узатмани амалга оширган.
