Лондоннинг "Арсенал" клуби яқин орада марказий ҳимоячи Вильям Салиба билан шартномани узайтирганини эълон қилади.
Франциялик футболчининг амалдаги шартномаси келаси мавсум охирида тугайди ва клуб анчадан буён 22 ёшли футболчи билан янги шартнома имзолашни мақсад қилган. Журналист Девид Орнштейннинг хабар беришича, Салиба пайшанба куни "канонирлар" билан тўрт йиллик шартнома имзолаган. Марказий ҳимоячи йилига 10 миллион евро маош олади. Расмий эълон жума кунига режалаштирилган.
Вильям Салиба ўтган мавсумда Микель Артета жамоаси сафида 33 та ўйинда майдонга тушиб, 3 та гол ва 1 та голли узатмага муаллифлик қилган.
