"Арсенал" ҳужумчиси Фоларин Балогун жорий трансфер ойнасида клуби рўйхатини ўзгартириши мумкин. Football Transfers хабарига кўра, футболчининг хизматларига АПЛнинг яна бир вакили "Челси" қизиқмоқда.
Манба берган хабарга кўра, "аристократлар" вакиллари футболчининг агенти билан эҳтимолий трансфер борасида музокарага киришган.
Ўтган мавсумда Балогун Франциянинг “Реймс” клубида ижара асосида ўйнади. Ҳужумчи Лига 1да 37 та ўйинда қатнашиб, 21 та гол ва 2 та голли узатмага муаллифлик қилган. У Франциядаги тўпурарлар рўйхатида тўртинчи ўринни эгаллади.
