"Барселона" ҳужумчиси Ансу Фати ўзининг жисмоний ҳолати устида ишламоқда.
Футболчининг "кўк-анорранглилар" таркибида камдан-кам майдонга тушиши унинг ёзги трансфер ойнасида сотилиши ҳақидаги кўплаб миш-мишларга сабаб бўлди. Отасининг очиқчасига норозилигига қарамай, Фати “Барселона”да қолишни режалаштираётганини бир неча бор тан олди.
Mundo Deportivo нашри хабарига кўра, ўтган мавсум охиридан буён 20 ёшли ҳужумчи жисмоний ҳолатини яхшилаш ва аввалги ўйин савиясига қайтиш учун махсус дастур асосида ишламоқда. Футболчи Каталония гранди асосий таркибига киришга аҳд қилган.
Ансу Фати сўнгги мавсумда "Барселона" сафида 51 ўйинда ўнта гол урди ва 4 голга ассистентлик қилди.
