ПСЖ" президенти Носир ал-Хелайфи яқинда Килиан Мбаппега ультиматум қўйишини эълон қилди. Клуб раҳбарининг сўзларига кўра, 24 ёшли футболчи яқин ҳафталарда янги шартнома имзолаши керак, акс ҳолда у сотилади. Шу билан бирга, Мбаппе аввалроқ 2023/2024 йилги мавсумни "ПСЖ"да ўтказиши белгиланган бўлса-да, шартномасини узайтиришни истамаслигини маълум қилганди.
Шунингдек, Ал-Хелайфи, "ПСЖ" Мбаппени текинга қўйиб юбормаслигини айтди. Функционернинг сўзларига кўра, футболчи эркин агент сифатида кетмасликка ваъда берган.
L’Equipe нашрининг ёзишича, Мбаппе ал-Хелайфининг гапларидан ҳайратда. Гап шундаки, футболчи "ПСЖ"га текин кетмаслик ҳақида ваъда бермаган ва у бир неча бор интервьюда клубга пул ишлашга рухсат беришини айтган.
Қайд этилишича, Мбаппенинг позицияси ўзгармаган - у икки ҳафтадан кейин мавсумолди тайёргарликни бошлаш ниятида.
