"Арсенал" ҳимоячиси Вильям Салиба келаси мавсумда 2-рақамда ҳаракат қилади.
Олдинроқ Лондон клуби 22 ёшли футболчи билан шартнома узайтирилгани ҳақида хабар берган эди. "Арсенал" янги меҳнат шартномаси муддатини ошкор этмаяпти ва уни узоқ муддатли деб атамоқда.
"Арсенал" бош мураббийи Микель Артета Салибанинг янги шартномаси имзоланганидан хурсандлигини билдирди ва унинг янада ривожланиши учун салоҳиятини таъкидлади.
Ўтган мавсумда Салиба 33та ўйинда майдонга тушиб, 3та гол урди ва 1та голга ассистентлик қилди.