"ПСЖ"нинг янги футболчиси Мануэль Угарте "Спортинг" тарихидаги иккинчи энг қиммат сотувга айланди. Бу ҳақда нуфузли Transfermarkt портали хабар бермоқда.
Шундай қилиб, футболчи 60 миллион евро эвазига "ПСЖ"га ўтди. Ундан кўпроқ пулни фақат бир футболчи ўз клубига олиб келган - бир неча йил аввал "Манчестер Юнайтед"га 65 миллион евро эвазига ўтган Бруно Фернандеш.
Учинчи ўринда "Спортинг"дан "Вульверхэмптон"га ўтган ҳимоячи Матеус Нунес. Келишув 45 миллион еврога якунланди.
Эслатиб ўтамиз, "ПСЖ" ва Угарте беш йиллик шартнома имзолаган. Келишув 7-июль, жума куни расман тасдиқланди.