"Барселона" бош мураббийи Хави Эрнандес Ламин Ямалнинг истиқболларини юқори баҳолади.
15 ёшли футболчи Ла Лиганинг апрель ойида "Реал Бетис"га қарши ўйинда (4:0) "кўк-анорранглидар"нинг асосий жамоаси сафида дебют қилишга муваффақ бўлди. Бу учрашув катталар даражасидаги вингер учун ягона бўлиб қолмоқда, бироқ Хави вундеркиндини асосий таркиб машғулотларига олиб келишда давом этишни режалаштирмоқда. Мутахассис футболчини Ла Масианинг ҳақиқий “марварид”и деб билади.
Ламин Ямал Испаниянинг 17 ёшгача бўлган терма жамоаси учун ўнта ўйинда саккизта гол урди, шунингдек, 19 ёшгача бўлган тоифадаги терма жамоада дебют қилди.
