Севилянинг "Бетис" клуби "Барселона"дан бир қанча ўйинчилар сотиб олишни режалаштирмоқда. Инсайдер Ферран Мартинесга маълум бўлишича, "оқ-яшиллар"нинг радарида бирданига "кўк-анорранглилар"нинг беш нафар футболчиси бор.
Журналистнинг фикрича, андалусия жамоаси сафини қуйидаги футболчилар тўлдириши мумкин: дарвозабон Арнау Тенас, ярим ҳимоячилар Пабло Торре, Нико Гонсалес, шунингдек, ҳужумчилар Абде Эззалзули ва Алекс Кольядо.
Эслатиб ўтамиз, мавсум якунига кўра "Бетис" Испания чемпионати турнир жадвалида олтинчи ўринни эгаллаган эди. Бу натижа билан севилияликлар Европа лигасига йўлланма олди.