Sevilyaning "Betis" klubi "Barselona"dan bir qancha o‘yinchilar sotib olishni rejalashtirmoqda. Insayder Ferran Martinesga ma’lum bo‘lishicha, "oq-yashillar"ning radarida birdaniga "ko‘k-anorranglilar"ning besh nafar futbolchisi bor.
Jurnalistning fikricha, andalusiya jamoasi safini quyidagi futbolchilar to‘ldirishi mumkin: darvozabon Arnau Tenas, yarim himoyachilar Pablo Torre, Niko Gonsales, shuningdek, hujumchilar Abde Ezzalzuli va Aleks Kolyado.
Eslatib o‘tamiz, mavsum yakuniga ko‘ra "Betis" Ispaniya chempionati turnir jadvalida oltinchi o‘rinni egallagan edi. Bu natija bilan seviliyaliklar Yevropa ligasiga yo‘llanma oldi.