Sky Sport нашри хабарига кўра, "Бавария" дарвозабони Мануэль Нойер 2022 йилнинг декабрь ойида оёқ суяги синганидан кейинги тикланишни давом эттирмоқда.
Клуб 37 ёшли дарвозабон қачон тўлиқ тайёр бўлишини тахмин қилишга шошилмаяпти. У май ойида индивидуал машғулотларни давом эттирди, аммо улар 13 июль куни таътилдан қайтганидан кейин жамоадан алоҳида машғулотларни давом эттиради.
Нойер 24 июлдан 3 августгача давом этадиган Осиё турнесига "Бавария" билан бирга бормаса керак. Футболчи мавсумнинг илк расмий ўйинлариданоқ майдонга тушишга тайёр бўлиш учун бу вақтни тикланишга бағишламоқчи.
"Бавария" Нойернинг қайтиши кўп омилларга боғлиқлигини тушунади, ҳеч ким Мануэлга босим ўтказмоқчи эмас. Дарвозабоннинг ўзи ҳам шошилишни истамайди.
Ўтган мавсумда у 16 та ўйин ўтказиб, 14 та гол ўтказиб юборган.
