"Тоттенхэм" агар маъқул таклиф тушса, ярим ҳимоячи Пьер-Эмил Хёйбергни сотишга тайёр.
Куни кеча маълум бўлишича, "Атлетико Мадрид" "шпорлар" билан 27 ёшли данияликнинг трансфери борасида музокараларни бошлаб юборган. Daily Mail хабарига кўра, Хёйберг "матрасчилар"га ўтиш истагида, чунки улар кейинги мавсумда Чемпионлар лигасида ўйнайди, "Тоттенхэм" эса ундай эмас. Бундан ташқари, ярим ҳимоячи лондонликларнинг янги бош мураббийи Анге Постекоглу қўл остида асосий таркибда ўйнашига ишончи комил эмас. Англия клуби футболчи учун 30 миллион фунт (35 миллион евро) таклиф қилинса, уни "Атлетико"га қўйиб юборишга тайёр.
