"Tottenxem" agar ma’qul taklif tushsa, yarim himoyachi Pyer-Emil Xyoybergni sotishga tayyor.

Kuni kecha ma’lum bo‘lishicha, "Atletiko Madrid" "shporlar" bilan 27 yoshli daniyalikning transferi borasida muzokaralarni boshlab yuborgan. Daily Mail xabariga ko‘ra, Xyoyberg "matraschilar"ga o‘tish istagida, chunki ular keyingi mavsumda Chempionlar ligasida o‘ynaydi, "Tottenxem" esa unday emas. Bundan tashqari, yarim himoyachi londonliklarning yangi bosh murabbiyi Ange Postekoglu qo‘l ostida asosiy tarkibda o‘ynashiga ishonchi komil emas. Angliya klubi futbolchi uchun 30 million funt (35 million yevro) taklif qilinsa, uni "Atletiko"ga qo‘yib yuborishga tayyor.